無無聊聊(六)

湊完仔夫婦二人靜靜的坐在梳化上閑聊嘆世界。

老婆想起今日買菜的趣事,講呀講。

老婆想起週末燒烤的準備事項,講呀講。

老婆想起朝早與太太們說的笑話,講呀講。

男人好似有又好似無地聽,偶爾「唔」一下我;望一望錶夠鐘追電視劇噃,跟手有人將辦公室用開的那套搬入屋企,好認真地望住我叫我「講重點」。

吓?!你玩我呀,兩公婆講到明係閑聊有鬼重點咩。

重點係…………你經已激嬲隻老虎乸!

一埸你追我逐通屋跑,比Lost在森林迷失好玩,比Fringe更古靈精怪;比體育節目更能消化飯後高脂肪呢。