師奶一名-身處加國﹐身負重任﹐身兼數職

Posts tagged ‘精明購物狂’

網上書店

三日前經芳鄰台灣太太介紹在博客來網上書店訂了幾本書。

  • 書價比大陸網稍貴一點,差價所換來的是看繁體字的方便。
  • 郵費差不多是書的三分二價錢,所謂一分錢一分貨從訂書到收書只是三日,免卻了焦急等看書的心情。
  • 服務更加係一等一,有即時信用卡付款、確認訂單、出貨通知、郵包編號,整個購買過程方便簡易,值得推介呀!

尋寶記(二)

星期六小鬼晨咁早起左身,注意時為清晨六點半!為了老爸與老爺連日在外出差的兩個男人有覺好瞓媽媽唯有舍命陪小人,玩呀玩到散食完早餐才九點。

自以為好細聲的大聲公有擴大音量之跡象,母子二人便決定尋寶去。小背包大樽水散銀滿褲袋,媽媽的是日心水型爆貼紙鐘一個75仙唔買就笨啦。

小鬼是日戰利品50仙,擺明蝦阿媽打算刺我死穴的捉蟲裝備:

透明放大膠樽裏的泥跡大家見到未?係某小人小心翼翼地捉蟲後放入去觀察的證據,當日捉的只是隻甲蟲不太可怕,但我相信以後好野陸續有來。

逛完一大輪返到屋企便剛剛好整brunch~

尋寶記

老爺上星期出差去了,與小鬼二人食了個豐富早餐作為道別。臨上機前說應承了小鬼替玩具房買梳化呀。

那天傍晚與B太連嘩鬼們去逛garage sale,竟然見到五蚊的三人座梳化!除了布的款式是七十年代的舊款其支架棉芯都如店鋪內新的一樣,想試下搞個翻新梳化大工程,不過問題來了開迷你車的我點搬好呢?

賣東西的太太無比熱情,見到我想買便說唔怕啦我叫老公送去你家吧。那先生送到我家更幫我手放入車房,弄到滿身大汗搞到我多不好意思;便提出不如我俾運費你丫,他推卻了說想多謝我便給瓶凍啤酒吧。

然後今朝去逛一間新開的一蚊店,買了花和蝴蝶形狀的鏡及貼牆用的裝飾貼紙,四蚊有找呀。查實買的時候未諗貼邊度好只不過平到咁唔買好對唔住自已啫,唉,又一師奶壞習慣。

新年新搞作:一年只買廿件衫

個人簡介:

其實自從轉行做師奶後為自己行街買衫似乎巳經成為過去式。面對極度快高長大的魔星,一年要買兩次衫褲鞋。漸漸打橫發展的老爺,一年前的度身訂做西褲有爆爆地的現象。我係唯一一個可以著得落十七歲時的牛仔褲,而條褲仲係無穿無爛,又似乎不會增磅的人。

敗家事件簿:

師奶忍夠自己由年少時至今養成的瘋狂行為,同一件衫最高紀錄一口氣買了八件不同顏色。(有D內疚囉,只穿過黑灰紅。)

老爸口痕地說了句,你個 walk in 衣櫃要擴建啦。(至憎俾老豆’潤’架啦。)

小朋友同老友小E講,你唔可以入我媽媽個衣櫃呀,會蕩失路架。(童言無忌啊!)

存貨:

上班套裝 – 九成發霉中,黑色的兩三套偶爾會著去開會

休閒服 – 一D都唔休閒的我日日都著住衛衣、長袖衫,大約有二十多件夠著一年

內衣 – 八成新,可能要買一上一下過新年

禦寒衣物 – 三件羽絨,兩件長褸

運動服 – 兩條yoga褲,一條防風跑褲

飲宴晚裝 – 五六條裙,應該無機會有藉口買新貨

其他功能性衣服 – 大鬼把啦,N年前舊貨

作戰原則:

假話 – 以身作則,為小鬼立榜樣

真話 – 打斧頭儲機票錢週游列國

初步計劃:

衣服鞋襪唔殘唔爛唔買。要學會三思而後行以免俾口多阿Dra唱通街。

++++++++++++++++++

有興趣又有勇氣的你,支持環保,支持儲錢養老。

Boxing week 大出血

從前只有Boxing day一日裏面幾千幾萬人一窩蜂湧去逛街瘋狂購物。

現今我們有Boxing week,一整個星期都大減特減。

今日精明阿媽帶同六歲跳跳虎去血拼(非常喜歡這一個台灣詞)。若然你要帶生番逛街所買之物真的有血(嘔血)、有淚(生番喊哂口想回家)。

今日行程:Mall,Costco,Canadian Tire,Toy’s rus,Furniture store.單人匹馬帶生番勇闖玩具反斗城認真唔惹小。

收獲:

我以超低抵價(3蚊加紙)買了一隻聖誕樹碟,漂亮非常。

家裡有人問,唏,你無碟用咩?

防水防滑冬天靴子,由原價$200減到50大洋!

又有人問,做咩要減價先買呀?

五顏六色膠櫃子,供大帝擺放文房四寶與其奇珍異寶。

小朋友喜歡加上減至半價,買!

單人真皮梳化,留意你好耐一直唔減價。

減成百蚊加免費送貨,買!

小朋友至愛作者Robert Munsch成套書減25%,點都要買啦。

其實老爺都喜歡讀他的系列予小朋友聽。

是日血拼革命非常成功,下一年同志仍需努力。