師奶一名-身處加國﹐身負重任﹐身兼數職

Posts tagged ‘香港’

經典電影對白-港產片

1. 「中國人,唔係東亞病夫!」 – 精武門

2.「地球很危險,妳還是快點回火星吧!(國語)」 – 少林足球

3.「三年?三年之後又三年,三年之後又三年,十年都黎緊頭喇!」 – 無間道

4.「我大聲講野, 唔代表我無禮貌! 亞 Sir!」 – 監獄風雲

5.「1960年4月16號下午3點之前一分鐘,你同我一齊。因為你,我會記住呢一分鐘。」  – 阿飛正傳

6.「不知道從什麼時候開始,在每個東西上面都有一個日子,秋刀魚會過期,肉醬也會過期,連保鮮紙都會過期,我開始懷疑,在這個世界上,還有什麼東西是不會過期的?」 – 重慶森林

7.「食碗面,反碗底。」 – 香港屋簷下

8.「唉,女人真係茶煲。麻煩呀, trouble!」 – 秋天的童話

9.「依到有隻煙士,只要我輕輕一摔就變成一隻巢左既煙士~」 – 賭俠

10.「星:聽講你地d豆腐好出名嫁喎
a:係呀
星:臭既
a:出名臭丫ma,你當佢臭豆腐咁食個觀感就會fit晒架啦。」 – 國產零零七

廣告

郵包風雲

這一個星期內,我同阿媽前前後後大概通了十幾次電話。唔係鬧交,唔係「hi」、「天氣點呀」個種,而係有講有笑的「講電話」。

阿媽:「喂,我email左張清單,你同我買好買齊寄番香港俾我,得唔得?」

衰女:「你咪玩啦,我可以話唔得咩?」

阿媽:「唏,兩母女邊有計架。記住要快呀。」

衰女:「好,盡力盡快啦。」

++++++++++++++++++++++++++++++(兩日後)

阿媽:「喂,寄左未呀?」

懶女:「唔。好快到。」

阿媽:「衰野,答得閃閃縮縮,肯定未寄啦。」

懶女:「至少我買左,包好左呀!」

阿媽:「你留個郵包係屋企把鬼咩!快D寄啦。旨意你呢,蛇都死呀。」

懶女:「喂,小姐,你呢咪五十步笑百步好。我既懶細胞遺傳自你。係邊個話寄野俾我?寄左三年都未收到?係邊個話寄野俾小朋友寄到上年收到竟然著唔落?」

阿媽:「你太記仇啦。新年要有新開始,你改下D懶習慣啦。」

懶女:「好呀。一齊改囉。你寄我既冬天衫,我寄你盒立立雜。」

兩母女同時許下大口氣承諾,兼落賭注。

我與阿媽既關係感情好複雜。有時輕聲細語,有時大吵大鬧,有時老友鬼鬼,有時狗咬狗骨。

(後記:老豆知道我同阿媽玩鬥快,打電話過我。我都有驚喜俾你呀!唔係呀嘛,你仲懶過阿媽同我加埋,你連郵局係點係邊都唔知啦。你聽我講先,我俾你既驚喜係話寄又唔寄。係咪好開心、好驚喜呢?死死氣既我,係呀,老豆你最勁囉。)

容許我自私吧

每當我遇到不如意之事總會尋求解決方法。

小朋友可慢慢教導,討厭的人可列入拒絕來往戶,看不過眼的事可挺身而出。

但有時有事有心無力。

問題非我可解,亦不是因我而起;但與親人有關,所以不能視若無睹袖手旁觀。有點像進入了一個死胡同,前無去路似的。

夜深人靜時又會因此而坐不安睡不著苦惱至極……

老爺對我說要學懂平常心,學會事不關己己不勞心。說易做難。

暫時唯有做一隻駝鳥,對十萬八千里外的人們採取看不見聽不到的政策。

道不同不相为谋

我怕同某幾類人打交道…….

  • 惺惺作態之人
  • 講就天下無敵做就無能為力之人
  • 自怨自憐自卑+怨天尤人的心態

人生苦短﹐天天戴上假面具做人﹐累不累?

思[香]病

懷念香港的特色食物。。。

  • 咖哩魚旦
  • 碗仔翅
  • 車仔麵(猪皮,豬紅)
  • 大排檔(唔衛生﹐但好好味)
  • 煲仔飯
  • 茶餐廳(中環蛇竇)

你地既至愛係咩呀?